SUNDALONG MAY DUGONG PINOY PATAY SA PAGSABOG SA GAZA

NASAWI sa pagsabog sa Gaza ang isang Israel Defense Forces (IDF) soldier na may dugong Pinoy, ayon sa kumpirmasyon nitong Miyerkules ng Philippine Embassy sa Tel Aviv.

Si Sgt. First Class Cydrick Garin, 23, mula sa San Mateo Rizal, ay isa sa 21 IDF members na namatay sa nangyaring matinding pagsabog na nagdulot ng pag-collapse ng isang gusali sa Gaza noong Lunes.

“The Embassy and the Filipino community in Israel share in the grief of the family of Sgt. Garin and join in prayers for strength, peace, and comfort for all those he left behind,” anang embahada

Kaugnay nito, umabot na sa 219 ang bilang ng Israeli soldiers na nasawi sa ground offensive ng Israel laban sa teroristang grupong Hamas sa Gaza.

Si Garin ay combat sergeant ng 8208^th Battalion ng 261^st Brigade mula sa Tel Aviv.

Noong Abril 2021, tumanggap siya ng pagkilala mula sa Southern Command bilang outstanding soldier ng Givati Brigade.

Ang kanyang ina na tubong Isabela ay naninirahan sa Tel Aviv habang ang kanyang ama ay mula sa General Santos City.

Ayon sa Israeli Embassy sa Maynila, inaayos na ang pagbiyahe ng ama ni Garin patungong Israel upang masilayan sa huling sandal ang labi ng nasawing anak.