P460-M CIFs NG DAVAO CITY LGU DAPAT IMBESTIGAHAN — HONTIVEROS

IGINIIT ni Deputy Minority Leader Senator Risa Hontiveros ang kahilingan sa kapwa mga mambabatas na masusing imbestigahan at repasuhin ang kuwestiyonableng P460 milyong confidential intelligence funds o CIF ng Davao City government mula 2019 hanggang 2022.

“Nakakalula ang halos kalahating bilyong confidential funds ng Davao City kada taon, kung ikukumpara sa CIFs ng mga malaki at mayamang lungsod gaya ng Makati, Manila at Cevu na hindi man lamang umabot sa P100 million,” ayon kay Hontiveros.

“Ano ang meron sa Davao City at mas malaki pa ang CIF nila kumpara sa ibang national agenices gaya ng Philippine Coast Guard?  While Davao faces existing security challenges, are these challenges really so much worse than China’s incursions and abuses in our territorial waters? Inaagaw na rin ba ng Tsina ang territoryo nila tulad sa West Philippine Sea?” dagdag pa ng senadora

Ayon kay Hontiveros, dapat umanong ilatag at ipaliwanag nang detalyado kung paano ginasta ang ganito kalaking pondo.

Iginiit din ni Hontiveros na dapat magkaroon ng malinaw na patakaran at limitasyon ang paggamit ng CIFs sa lahat ng sangay ng gobyerno.

“However, there should be a reasonable threshold on the amount that LGUs — like national agencies — may allocate as CIFs to promote accountability and transparency,” paliwanag pa ng senadora.