DFA NAG-UTOS NG MANDATORY EVACUATION SA MGA PINOY SA ISRAEL

IPINAG-UTOS na ng Department of Foreign Affairs (DFA) ang mandatory evacuation ng mga Pilipino sa Gaza matapos itaas ang alert level sa 4.

“The Department of Foreign Affairs wishes to inform the public that due to the current situation in Gaza, we have placed Gaza under Alert Level 4 (mandatory repatriation),”  ayon sa pahayag ng DFA noong Linggo.

Sinabi ng DFA na sa 131 Pilipino sa Gaza, hindi bababa sa 78 ang matatagpuan malapit sa Rafah border crossing malapit sa Egypt habang ang iba ay umalis sa hilagang bahagi, na inaasahang magiging pangunahing lugar ng labanan.

“The Philippine government continues to work on the repatriation of our nationals and will provide updates on developments,” dagdag ng DFA.

Sa hiwalay na mensahe ng Viber, sinabi ni DFA Undersecretary Eduardo de Vega na sa pagtataas ng alert level, “nanawagan ang gobyerno sa ating mga kababayan na umalis.”

“If they stay, they do so at their own very grave risk,” ani De Vega.

Nauna nang inutusan ng hukbo ng Israel ang lahat ng Palestinian na lisanin ang hilagang bahagi ng Gaza at Gaza City sa loob ng 24 na oras.

Ayon sa mga ulat, naghahanda na ang military ng Israel ng isang ground offensive sa Gaza.