IPINAALALA ng pamunuan ng simbahan ng Quiapo sa Maynila sa publiko na hindi maaaring makaakyat ang mga deboto sa andas ng Nazareno sa gaganaping Traslacion ngayong taong ito.
Sinabi ni Fr. Hans Magdurulang, tagapagsalita ng Nazareno 2024, na may pagbabago sa bagong andas na gagamitin sa Pista ng Nazareno sa Enero 9, 2024.
Ayon sa kanya, ang andas na gagamitin sa prusisyon ay mayroon nang salamin at ang Nazareno lamang ang makikita sa ibabaw ng andas.
Gayunman, may pagkakataon pa rin aniya ang mga deboto na nagbabato ng bimpo para maipahid sa Poong Nazareno.
Anang lider simbahan, mayroong walong hijos sa ibabaw na gagawa nito para sa kanila pero nasa labas lamang ang mga ito ng salamin at halos ulo lamang nila ang kita sa ibabaw ng andas para higit pa ring makita ang imahen ng Nazareno.
Pinaalalahanan din ng pari ang mga lalahok na deboto sa araw ng Traslacion na bawal magdala ng bag bilang bahagi ng pag-iingat.
Pinagdadala naman ang mga deboto ng face mask at alcohol dahil sa banta pa rin ng Covid-19 at iba pang sakit.
PROPOSED PH P240 BORDER FEE CHEAPEST IN THE WORLD – BI CHIEF 
COURT ORDERS ARREST OF VP SARA OVER GRAVE THREATS RAPS 
PBBM CONDOLES WITH FAMILIES OF 2 FILIPINO SEAFARERS KILLED IN STRAIT OF HORMUZ 
2 PINOY SEAMEN KILLED IN STRAIT OF HORMUZ ATTACK 
PALACE ANNOUNCES FREE TOLL IN SELECT NLEX AREAS STARTING SEPT. 2 
LACSON FILES BILL SEEKING TO GRANT OMBUDSMAN POWER TO ARREST, SEARCH, SEIZE 
2 BROTHERS FOUND DEAD AFTER DELIVERY TRUCK FALLS INTO FLOODED RICE FIELD IN PAMPANGA 
8 ROB SUSPECTS WHO USED HIGHWAY DRAINAGE TO GAIN ENTRY INTO PAWNSHOP NABBED