TONI FOWLER INARESTO, NAGPIYANSA

INIUTOS ng Pasay court ang pagdakip sa vlogger na si Toni Fowler dahil umano sa paglabag sa Cybercrime Law.

Gayunman, agad ding nakapagpiyansa ng halagang P120,000 si Fowler ng Biyernes ng tanghali.

Ipinalabas ng Pasay City Regional Trial Court-Branch 108 ang warrant of arrest laban kay Fowler dahil sa umano’y paglabag sa Article 201 ng Revised Penal Code na may kaugnayan sa Section 6 ng Republic Act 10175 o ang Cybercrime Prevention Act of 2012.

Ang kaso ay nag-ugat sa isinampang reklamo ng Kapisanan ng Social Media Broadcasters ng Pilipinas (KSMBP) laban kay Fowler noong Setyembre 2023 dahil sa pagpapalabas nito ng music video na diumano’y may halong kalaswaan.