BEA ALONZO, DOMINIC ROQUE ‘DI NA TULOY ANG KASAL

WALA na umanong magaganap na kasalan sa pagitan nina Bea Alonzo at Dominic Roque ngayong taon.

Ayon sa ulat, kinansela na ang planong kasal at ibinalik na rin ng aktres ang engagement ring na ibinigay sa kanya ni Dominic.

Kinansela na rin umano ang nakatakdang pre-wedding photo shoots ng dalawa sa Europe.

Ang hiwalayan ay kinumpirma mismo nina Bea at Dominic.

Nitong linggo ay binasag na ng dalawa ang kanilang pananahmik at naglabas ng joint statement higgil sa isyu ng hiwalayan.

“After much thought, consideration, and care, we have mutually decided to amicably end our engagement. It was not an easy decision. We wanted to have more time to carefully deliberate and pray about it, but there have been many speculations, questions, and insults.”

“Unfortunately, some confirmed our break-up without our consent, and some created ridiculous stories that had no basis and were utterly false, so we felt the need to share this announcement with great sadness, for our peace of mind and our families,”  ani Bea at Dominic.

Hinikayat ng dating magkasintahan ang publiko na iwasang magpakalat ng mga nakasasakit na komento.

“Please understand that this is an extremely painful yet united decision, and we sincerely request for everyone to kindly spare us from more cruel and very hurtful words thrown on social media,”  anang dalawa.

Nagpasalamat din ang dalawa sa pang-unawa at suporta umanong nagtatanggap nila kasabay ng hiling na privacy para sa kanila.

Matatandaang iniulat ng talk show host na si Boy Abunda ang breakup ng dalawa sa programa nitong “Fast Talk With Boy Abunda.”

Una nang kinumpirma ni Bea na nagdi-date sila  ng actor-model noong Abril 2021.

Nag-announce naman ang aktres ng kanyang engagement kay Dominic noong Hulyo 2023.