2 PINOY NA MANGINGISDA NI-RESCUE NG CHINA NAVY

ISANG sasakyang pandagat ng Chinese People’s Liberation Army (PLA) ang nagligtas kamakailan sa dalawang mangingisdang Pilipino .

Ayon sa PLA Southern Theater Command Navy at South China Sea division ng China Coast Guard, nilapitan “Aba” vessel ang  dalawang mangingisdang Pilipino na humingi ng tulong habang naglalakbay sa Nansha Island.

Ayon sa China authorities,  isa sa Pilipinong mangingisda ay duguan matapos nagtamo ng sugat mula sa propeller blades.

Sinuri ng PLA naval medics ang mga sugat at dinala ang mangingisda para sa karagdagang paggamot. Habang nasa  barko, nilinis ng PLA naval medics ang mga sugat ng mangingisda, pinahinto ang pagdurugo, at saka binalutan ang mga sugat.

Binigyan din ng barko ang mga mangingisda ng pagkain, medical supply,  inuming tubig, antibiotic at painkillers.

Ipinaalam na rin  ng China Coast Guard  sa  PH Coast Guard sa naturang insidente.