PHILHEALTH WEBSITE OK NA MATAPOS MA-HACK

INIHAYAG kahapon (Setyembre 29) ng Philippine Health Insurance Corp. (PhilHealth) na ang website nito at member portal ay naayos na matapos mag-shutdown kasunod ng nangyaring ransomware attack noong nagdaang linggo.

Sa isang advisory, sinabi ng PhilHealth na ang kanilang application systems ay naibalik na ng alas – 12 ng tanghali ng Setyembre 29, 2023.

Malapit na rin umanong maayos ang kanilang insurer’s e-claims system.

Pansamantalang isinara ng PhilHealth and kanilang system matapos itong atakihin ng mga hacker Biyernes ng nagdaang linggo

Agad itong nagsagawa ng “containment measures” gayundin ng imbestigasyon sa pakikipagtulungan ng Department of Information and Communications Technology at iba pang government agencies.

Idiniin ng PhilHealth na hindi ito magbabayad ng $300,000 o tinataya sa P17 milyong ransom na hinihingi ng mga cyber hacker kapalit ng umano’y ninakaw ng mga itong data mula sa kanilang website.