REMULLA NANGAKO NG MABILIS NA HUSTISYA LABAN SA ‘DOOMSDAY CULT’

TINIYAK noong Biyernes ni Justice Secretary Jesus Crispin “Boying” Remulla ang mabilis na hustisya laban sa mga opisyal ng pinaghihinalaang “kulto” na Socorro Bayanihan Services, Inc. (SBSI) na nakabase sa Surigao del Norte at sangkot sa mga alegasyon ng pang-aabuso at sapilitang pagpapakasal sa mga bata.

“We will not remain impartial if the evidence is present. We will actively pursue the perpetrators. Our foremost concern is the well-being of Filipino children,” pahayag ni Remulla.

Nangako rin ang DOJ chief na magbibigay ng buong suporta sa mga imbestigador mula sa iba’t ibang ahensyang nagpapatupad ng batas sa pangangalap ng ebidensya laban sa mga responsable sa mga ilegal na gawaing ito.

Ang mga nakababahalang alegasyon laban sa SBSI ay nauna ng ibinunyag ni Senador Risa Hontiveros sabay ng kanyang  panawagan sa Senate Committee on Women, Children, Family Relations and Gender Equality na magsagawa ng imbestigasyon ukol dito. 

Pinamumunuan ang naturang grupo ng 21-anyos na si Jey Rence na tinawag din ng kanyang mga tagasunod bilang “Senior Agila”

“In the interests of justice, the DOJ is wholeheartedly dedicated to pursuing any cases that may emerge from our collaborative efforts. Additionally, the DOJ stands prepared to assist in any aspect of case development required to bolster the evidence against the wrongdoers,” ayon sa pahayag na inilabas ng DOJ.