SCTEX MAGTATAAS NG SINGIL SA TOLL SIMULA OKTUBRE 17 – TRB

INAPRUBAHAN ng Toll Regulatory Board (TRB) ang pagtataas ng singil sa toll sa Subic-Clark-Tarlac Expressway (SCTEX) umpisa sa Oktubre 17.

Ayon sa TRB, ang inaprubahang toll fees ay sumailalim sa masusi at metikulosong pagrepaso.

Matatandang naghain ang NLEX Corp. ng toll rate adjustments noong 2020 at 2022.

Batay sa bagong singil, ang mga motoristang buminiyahe mula Mabalacat, Pampanga patungong Tarlac ay sisingilin ng mga sumusunod na rates: Class 1 (kotse, jeep, van, pick-up)- P25, Class 2 (bus at truck na may taas na mahigit 7.5 feet) – P50, Class 3 ( malalaking truck at trailer trucks) – P75

Sa mga sasakyang bumibiyahe mula Mabalacat City hanggang Tipo, Hermosa, Bataan malapit sa Subic Freeport, kinakailangang magbayad ng P40 para sa Class 1, P81 para sa Class 2 and P121 para sa Class 3 vehicles.

Yaong bumabagtas ng SCTEX end-to-end mula Tipo, Hermosa, Bataan hanggang Tarlac City ay kinakailangang magbayad ng karagdagang P65 para sa Class 1, P131 sa Class 2 at P196 para sa mga Class 3 na sasakyan.