DASAL HILING SA NANGYAYARING BAKBAKAN SA HOLY LAND

HUMILING ang Archdiocese of Manila sa lahat ng simbahan sa bansa na maglaan ng “holy hour” upang ipagdasal ang pagkakaroon ng kapayapaan sa Holy Land.

“In solidarity with our brothers and sisters in the Holy Land, we request that our parishes and communities gather our people for prayer like the Adoration of the Blessed Sacrament/Holy Hour and the praying of the rosary on October 17, 2023 or any day your community decides,” anang sirkular na may petsang Oktubre 14 at ipinalabas nitong Lunes.

Ayon sa Archdiocese, magpapadala ito ng ispesyal na panalangin na inihanda ng kanilang Archdiocesan Liturgical Commission.

Ang kautusan ay bilang tugon sa panawagan ng Latin Patriarch of Jerusalem Pierbattista Cardinal Pizzaballa para sa pagdarasal at pag-aayuno para sa kapayapaan sa Holy Land.

“On behalf of all the Ordinaries of the Holy Land, I invite all parishes and religious communities to a day of fasting and prayer for peace and reconciliation. We ask that on Tuesday, October 17, everyone hold a day of fasting, abstinence, and prayer. Let us organize prayer times with Eucharistic adoration and with the recitation of the Rosary to Our Blessed Virgin Mary,” sabi pa sa sirkular.

Tinataya sa 1,300 Israelis na ang namatay habang 1,949 ang naiulat na sugatan sa Gaza at sa West Bank, dalawang teritoryo sa ilalim ng State of Palestine kung saan sumiklab ang giyera noong Oktubre 7.

Iniutos na rin ng Department of Foreign Affairs (DFA) ang mandatory evacuation ng mga Pilipino sa Gaza makaraang itaas sa Alert Level 4 ang kondisyon doon.