BATA NABULUNAN NG CANDY, PATAY

DEDO ang ang isang 7-anyos na batang lalaki makaraang mabulunan ng kinain nitong gummy ball candy sa Antique.

Ang biktima ay residente ng Poblacion, San Remigio, Antique.

Base sa kwento ng tiyahin ng bata, nagpabili ang kanyang pamangkin sa ina nito ng gummy ball sa tindahan.

Pagdating sa bahay ay laking gulat na lamang ng ina nang makitang nabulunan na ang kanyang anak at hindi na makahinga.

Isinugod ang biktima sa pinakamalapit na ospital para tanggalin ang nakabarang gummy ball ngunit binawian na ito ng buhay kalaunan.