SCHOOL DORM SA CHINA NASUNOG, 13 BATANG ESTUDYANTE PATAY

LABINTATLONG kabataang estudyante na may edad siyam hanggang sampu ang nasawi sa sunog na naganap sa isang school dormitory sa Henan, central China Biyernes ng gabi.

Ayon sa ulat ng Xinhua News Agency, nangyari ang sunog sa Yingcai School Yanshanpu village sa Henan dakong alas-11 ng gabi nitong Biyernes

Kinumpirma ng mga awtoridad ang pagkamatay ng 13 mag-aaral at pagkasugat ng isa pa.

Inaalam pa kung ano ang pinagmulan ng sunog.

Karaniwan na ang sunog at iba pang aksidente sa China dahlia umano sa pagiging maluwag ng kanilang safety standards at pagpapatupad nito.

Matatandaang noong Nobyembre, nasa 26 katao ang nasawi habang maraming iba pa  ang naospital matapos ding magkasunog sa isang lokal na kompanya sa  Shanxi province sa northern China.