50 PERCENT DISCOUNT SA MRT, LRT, HANDOG NG PANGULO SA MGA ESTUDYANTE

KASABAY ng pagbabalik-eskwela, inanunsyo ng Department of Transportation (DOTr) na itinaas na sa 50% ang discount sa lahat ng estudyante sa LRT-1, LRT-2 at MRT-3 simula June 20.

Kasunod ito ng utos ni Pangulong Ferdinand Marcos Jr. na pagaanin ang buhay ng mga estudyante, sa pamamagitan ng mas murang pamasahe.

“Malaking tulong sa mga mag-aaral at kanilang magulang ang pagtaas sa 50% ng discount ng mga estud­yante sa MRT-3, LRT-1, at LRT-2,” anang DOTr.

Ang 50% student discount ay applicable rin sa mga estudyanteng naka-enroll sa postgraduate studies at magagamit sa train lines araw-araw, kahit Sabado, Linggo o holiday.