NEW YORK CITY NASA ILALIM NG STATE OF EMERGENCY

INILAGAY sa state of emergency ang New York City bunsod ng malawakang pagbaha na naganap nitong Biyernes, September 29, dulot ng masamang panahon.

“This is time for heightened alertness and extreme caution,” ani Mayor Eric Adams sa isang virtual news conference.

Dahil sa matinding pag-ulan ay binaha ang subway system habang ang ilang bahagi naman ng LaGuardia Airport ang isinara na nagbunga ng kanselasyon at delay ng galaw sa metropolis.

Ang siyudad na ito sa Amerika na may pinakamaraming populasyon na nasa halos 8.5 milyon ay inilagay sa ilalim ng “flash flood watch” ng buong araw bunsod ng pagbaha.

“If you are at home, stay home. If you are at work or school, shelter in place,” ani Adams.

“If you are out … and encounter a flooded area, be it on a roadway or a subway station, do not enter,” dagdag pa nito

Naglabas din ng state of emergency order si New York Governor Kathy Hochul kasabay ng pahayag na nagpakalat na ng National Guard para sa magrescue ng mga naistranded na motorista.