National

2 PINOY KUMPIRMADONG PATAY SA GIYERA SA ISRAEL-GAZA

Foreign Affairs Secretary Enrique Manalo

admin October 11, 2023

KINUMPIRMA ng gobyerno ng Pilipinas noong Miyerkules na dalawang Pilipino ang napatay sa giyera sa pagitan ng mga puwersang Israeli at grupong Hamas.

Gayunman, hindi pa naglalabas ang Department of Foreign Affairs (DFA) ng detalyadong impormasyon kung saan pinatay ang mga Pilipino.

“The Philippines condemns the killing of two Filipino nationals and all other acts of terrorism and violence as a result of Hamas actions against Israel,” pahayag ni Foreign Affairs Secretary Enrique Manalo sa kanyang post sa X (dating Twitter).

“The Philippines is ready to work with other countries towards a long-lasting resolution to the conflict, in accordance with pertinent United Nations Security Council Resolutions and the general principles of international law,” dagdag pa ni Manalo.

Batay sa pinakahuling datos ng DFA, mayroong mahigit 30,000 Pilipino sa Israel at 137 sa Gaza.

Sa pinakahuling bulletin nito noong Oktubre 11, sinabi ng Embahada ng Pilipinas sa Tel Aviv na mayroong hindi bababa sa anim na Pilipino ang nawawala sa Israel.

Tiniyak ni Manalo sa publiko na patuloy na ibibigay ng gobyerno ng Pilipinas ang lahat ng posibleng tulong sa mga distressed Filipino nationals sa Israel at Palestine.