8 REBELDE SA CENTRAL LUZON SUMUKO

NI KEVIN GALANG

WALONG mga dating rebelde ang nagbalik-loob sa pamahalaan sa Central Luzon.

Sa ulat kay Police Regional Office 3 director Brig. Gen. Jose Hidalgo Jr., isinuko rin ng mga dating insurgents sa mga awtoridad sa Bataan, Olongapo, Tarlac at Pampanga ang kanilang mga armas. 

Kabilang sa mga sumuko ay mga dating miyembro ng Communist Terrorist Group (CTG) na iniuugnay sa Anakpawis Bulacan Chapter, Gabriela, Bagong Hukbong Bayan at UGMO (Underground Mass Organization).

Ayon kay Hidalgo, ang mga pagsuko na ito ay patunay lamang ng pagiging epektibo ng reconciliation programs ng pamahalaan.

Idinagdag pa niya na ang gobyerno ay mahigpit na nakatuon sa pagsuporta sa muling pagbabalik sa lipunan ng mga dating rebede at masiguro ang kanilang edukasyon, pagkakaroon ng trabaho at makinabang sa iba pang mahahalagang serbisyo.