ANAK NA BABAE KULONG SA PAGPATAY SA MGA MAGULANG SA ENGLAND

IKINULONG ang isang babae matapos kasuhan ng pagpatay sa kanyang matatandang mga magulang sa Chelmsford, England.

Inakusahan noong Lunes si Virginia McCullough ng pagpatay kina John at Lois McCullough sa pagitan ng Agosto 21, 2018 at Setyembre 15, 2023 sa Chelmsford, ayon sa korte.

Sa pahayag ng Essex police, nasa edad 70s ang mga biktima na mga magulang ng 35-anyos na si Virginia. May kasamang custody officer ng humarap si Virginia sa Basildon Crown Court noong Martes.

Nagsimula ang imbestigasyon ng pulisya matapos makatanggap ng mga ulat mula sa mga kapitbahay na nag-alala para sa kapakanan ng dalawang matanda.

“As a result of the extensive work carried out by a dedicated investigative team, our strong belief based on all the evidence available is that the two people in question are no longer alive.

“The Crown Prosecution Service (CPS) is in agreement with this assessment,” pahayag ng Essex police, na nagsampa ng dalawang counts of murder laban sa suspect.