VP SARA BINISTA LAMAY NG 5TH GRADER NA SINAMPAL NG TEACHER

DINALAW ni Vice President Sara Duterte na siya ring Kalihim ng Department of Education and lamay ng Grade 5 student na si Francis Jay Gumikib na nasawi noong Oktubre 2, 2023 sa Antipolo City, Rizal matapos umanong sampalin ng kanyang titser.

Nakiramay ang bise-president sa naulilang pamilya. Kasama niya sa pagdalaw itong Biyernes sina DepEd Undersecretary at Chief of Staff to the Office of the Secretary Michael Wesley Poa.

Ang Rizal sa ilalim ng liderato ni Col. Rainerio de Chavez, OIC Rizal PPO na kinatawan ni Lt. Col. Roderick Tonga, DPDA at Antipolo City Police Station chief Lt. Col. Ryan Manongdo ay nagpahayag din ng kanilang pakikisimpatiya sa naiwang pamilya.

Nangako ang pulisya ng patuloy na imbestigasyon at police assistance sa pamilya Gumikib.